Deall GFL
Mae gwybodaeth y farchnad lafur (GFL) yn cymharu'r galw a chyflenwad sgiliau o fewn economi, sector diwydiant neu ardal, i benderfynu ble mae'r prinderau sgiliau a sut i ddelio â hwy.
Defnyddir y math hwn o ymchwil gan lywodraethau, cyflogwyr ac asiantaethau eraill i ddiweddaru eu cynlluniau gweithredu er mwyn llenwi'r bylchau mewn sgiliau.
Mae cyflogwyr ar draws y rhan fwyaf o sectorau galwedigaethol yn wynebu prinderau a bylchau mewn sgiliau. Anelir dull Skillset o ymdrin â gwybodaeth, cyngor ac arweiniad (IAG) at sicrhau y gall pawb dderbyn cyngor gyrfaoedd o ansawdd da, er mwyn datblygu eu sgiliau a gwneud penderfyniadau effeithiol o ran dewis swyddi a gyrfa.
Gwelir gwybodaeth y farchnad lafur (GFL) Skillset ar wefan y National Guidance Research Forum (NGRF) a ddatblygwyd gan yr Institute for Employment Research (IER), rhan o Brifysgol Warwick.
Arddangosir GFL ar gyfer pob diwydiant yn y DU ar yr NGRF. Cyflwynir y wybodaeth mewn fformat cyson sy'n hawdd ei ddefnyddio. Mae'n cynnwys adran adnoddau o'r enw LMI Learning, sy'n cynnwys 6 modiwl y gallwch weithio drwyddynt yn eich amser eich hun. Gweler isod am fanylion.
Sut i ddefnyddio GFL yn effeithiol pan yn rhoi cyngor
Pa mor dda ydych chi wrth ddefnyddio GFL? Profwch a datblygwch eich gwybodaeth am GFL trwy weithio drwy'r modiwl hwn ar-lein, a ddatblygwyd gan yr Institute for Employment Research, o brifysgol Warwick.
Read MoreEdrychwch ar wefan y National Guidance Research Forum (NGRF)
Mae gwefan yr NGRF yn adnodd pwerus i unrhyw un â chanddynt ddiddordeb mewn cyngor gyrfaoedd. P'un ai yr ydych yn ymarferydd, hyfforddwr, rheolwr, gwneuthurwr polisi neu'n ymchwilydd, dyma'r safle i chi
Read More