Ymchwilio'r farchnad
Mae cwmnïau, darlledwyr ac unigolion yn derbyn cannoedd o CVs a ffurflenni cais bob wythnos. Sefwch allan yn y dorf. Mae angen i chi ddeall y farchnad yr ydych yn gwneud cais iddi.
Mae marchnata personol effeithiol yn dibynnu ar nodi a bodloni angen - felly mae angen i chi wneud eich ymchwil. Po fwyaf yr ydych yn ei wybod am y ffyrdd y mae gwahanol sectorau yn mynd i'r afael â chynhyrchu, a deall chwaeth ac arddulliau presennol, yr hawsaf y bydd i chi benderfynu lle i ganolbwyntio eich ymdrechion - a'r mwyaf tebygol y bydd cyflogwr o gynnig gwaith i chi.
Mae cyflogwyr yn cwyno'n aml am nifer y ceisiadau diflas â diffyg gwybodaeth ynddynt y maent yn eu derbyn gan bobl yr ymddengys nad oes ganddynt lawer o syniad am y busnes. Dywed cyflogwyr nad oes gan ymgeiswyr syniad ynghylch natur wirioneddol eu swydd a sut y gallai arwain at gyfleoedd eraill a chynnydd o ran gyrfa.
Amlinellwch eich ymchwil gyda'r pwyntiau canlynol:
- Nodwch pa sector yr ydych yn ei dargedu - teledu, ffotograffiaeth, corfforaethol, ffilm, animeiddio ac ati.
- Dysgwch am sut mae prosiectau yn datblygu a sut mae'r timau a'r rolau o fewn pob sector yn cydgysylltu
- Dewch i wybod sut mae'r broses gomisiynu yn gweithio, a chofiwch gynnal ffocws cryf ar gwsmeriaid bob tro
- Aseswch pa fformatau cynhyrchu a rhaglenni sy'n llwyddiannus a sut gall eich sgiliau fod yn ddefnyddiol ar gynyrchiadau yn y dyfodol
- Casglwch a dadansoddwch ystadegau fel niferoedd gwylio, enillion swyddfeydd tocynnau ac ati i ddangos ehangder eich gwybodaeth
- Byddwch yn gyfarwydd â sefydliadau pwysig yn eich rhanbarth a'r manteision y gallant eu cynnig
Darllenwch fwy am ymchwilio i'r farchnad yn ein pdf ar 
Marketing Yourself
If your computer has the relevant software, click the document icons or document titles to view the relevant document. Right-click (PC) or hold your mouse-button down (Mac) on the document icon/title, you'll be given the option to save the file to disk. If you don't have the necessary software to view the documents, take the above links to download free reader programs.