TAW
Treth Ar Werth (TAW) yw'r dreth a roddir ar y gwerth o ganlyniad i bob cyfnewid neu weithrediad ariannol.
Os ydych yn rhedeg busnes, ac mae eich trosiant trethadwy, nid eich elw yn unig, yn fwy na'r trothwy cofrestru, rydych yn ‘berson trethadwy'. Rhaid i chi wedyn gofrestru ar gyfer TAW. Os nad ydych chi'n cofrestru ar yr adeg iawn, gallech dderbyn dirwy.
Rhaid i chi gofrestru ar gyfer TAW os:
a) Ydych ar Restr "D" (yn hunangyflogedig a llai nag 80% o'ch incwm yn dod o un ffynhonnell), neu'n gweithredu fel cwmni cyfyngedig
Ac
b) Ar ddiwedd unrhyw fis, mae cyfanswm gwerth y cyflenwadau trethadwy rydych wedi'u gwneud yn ystod y deuddeg mis diwethaf neu lai, yn fwy na'r trothwy presennol o £61,000.
Neu
c) Ar unrhyw adeg mae gennych seiliau rhesymol i ddisgwyl y bydd gwerth eich cyflenwadau trethadwy'n fwy na'r trothwy cofrestru presennol o £61,000 - yn y deg diwrnod ar hugain nesaf yn unig.
I gofrestru ar gyfer TAW rhaid i chi gwblhau Ffurflen TAW 1, a'i hanfon at Gyllid & Thollau o fewn 30 diwrnod o unrhyw un o'r uchod. Mae ffurflenni cofrestru ar gael o'ch swyddfa TAW leol neu ar wefan Cyllid & Thollau EM.
Gallech gwblhau'r ffurflen hon eich hun neu ofyn i'ch cyfrifydd ei chwblhau. Byddwch wedyn yn derbyn rhif cofrestru TAW, a dylech ei gynnwys ar bob anfoneb yn y dyfodol. Rhaid i chi wedyn ychwanegu 17.5% TAW at eich ffioedd am holl waith y dyfodol, ee:
Ffi: | £1,000 |
TAW yn 17.5%: | £175 |
Cyfanswm anfoneb: | £1,175 |
Parhau i dalu TAW - eich cyfrifoldeb chi
Bob tri mis rhaid i chi (neu'ch cyfrifydd) gwblhau ffurflen TAW yn dangos y TAW rydych wedi'i hanfonebu, llai y TAW rydych wedi'i dalu (am logi neu brynu nwyddau neu offer etc). Rhaid talu'r swm i Dollau Tramor a Chartref o fewn 30 diwrnod o ddiwedd y chwarter TAW.
Ceir cosbau llym am oedi neu beidio â chofrestru neu gyflwyno ffurflenni TAW. Os ydych yn cyflawni'r meini prawf am gofrestru ar gyfer TAW, dylech gofrestru ar unwaith a chyflwyno eich ffurflenni TAW.
