Mireinio eich sgiliau busnes
Yn aml, mae pobl yn dweud bod gweithio yn y diwydiannau clyweledol naill ai'n ‘wledd neu'n newyn' - ond drwy feddwl ymlaen llaw, gallwch wneud pethau'n haws.
Mae gweithio'n llawrydd, neu redeg busnes, yn gofyn am ystod o sgiliau ychwanegol ar ben y sgiliau, y cynnyrch a'r gwasanaethau rydych yn eu creu neu'n eu gwerthu, gan gynnwys:
Cyllid
- Llunio briff neu gontract
- Trafod ffioedd a chytuno ar delerau ac amodau
- Anfonebu a mynd ar ôl anfonebau sydd heb eu talu
- Talu cyfraniadau treth, Yswiriant Gwladol a TAW yn rheolaidd
- Talu biliau a mantoli eich llif arian
- Gwybod faint i dalu i chi eich hun
- Trefnu eich pensiwn eich hun (neu drefnu un drwy eich undeb)
Gweinyddiaeth
- Cadw cofnodion
- Gweithredu pecynnau meddalwedd busnes safonol
- Ymateb i gysylltiadau busnes
- Rheoli amser yn effeithiol a rheoli eich dyddiadur
- Rhwydweithio a hunan-farchnata
Mae'r rhan fwyaf o'r uchod yn ymwneud â bod yn drefnus a sefydlu arferion da. Meddyliwch am eich hunan fel busnes. Dysgwch am y sgiliau busnes craidd sydd eu hangen arnoch i lwyddo drwy ymweld â'r gwahanol adnoddau rydym wedi'u casglu i chi yn y cysylltiadau cefnogi busnes.
Os ydych yn cael anhawster gyda hyn, efallai y dylech ystyried cwrs sgiliau busnes arbenigol. Er enghraifft, mae Academi'r Busnes Ffilm yn y Cass Business School, Academi Sgrîn Skillset, yn cynnal nifer o gyrsiau byr ar y sgiliau busnes gwahanol sy'n angenrheidiol yn y diwydiant ffilm.
Mae Skillset, y darlledwyr, Asiantaethau Sgrîn Rhanbarthol, cymdeithasau masnach ac undebau llafur yn cynnal digwyddiadau ledled y DU, gyda'r nod o'ch helpu i ymdopi â'ch busnes. Mae llawer o'r digwyddiadau addysgiadol hyn am ddim, ac yn darparu cyfleoedd rhwydweithio da hefyd.
