Mynd i'r afael â phenderfyniadau anodd
Y peth cyntaf i'w gofio yw nifer y bobl y mae angen i chi eu gwneud yn ddi-waith.
- Os ydych yn gwneud hyd at 20 o bobl yn ddi-waith, bydd angen dechrau ar broses ffurfiol o ymgynghori â'r unigolion. Ac mae fel arfer yn syniad da ymgynghori â'u cynrychiolwyr undeb hefyd.
- Os ydych yn mynd i wneud 20 neu fwy o gyflogeion yn ddi-waith o fewn 90 diwrnod, mae'n rhaid i chi ymgynghori â'r holl gyflogeion yn unigol yn ogystal ag undeb(au) llafur y cyflogeion neu gynrychiolwyr etholedig eraill o leiaf 30 diwrnod cyn yr achosion colli gwaith a gynlluniwyd.
Ar ddechrau'r cyfnod ymgynghori, mae'n rhaid i chi ddarparu gwybodaeth ysgrifenedig sy'n nodi'r canlynol:
- Pam fod angen i chi golli staff
- Faint a pha gategorïau o gyflogeion sydd dan sylw
- Cyfanswm nifer y bobl yr ydych yn eu cyflogi ym mhob un o'r categorïau hyn
- Sut ydych yn bwriadu dewis pwy fydd yn colli eu swyddi
- Sut byddwch yn gweithredu'r colli swyddi
- Sut byddwch yn gweithio allan unrhyw daliadau colli swydd
Nid oes rhaid i'r broses hon ddiweddu mewn cytundeb gyda'r cyflogai neu eu cynrychiolwyr, ond mae'n rhaid i chi ei chynnal gyda'r nod o gyrraedd cytundeb. Bydd angen hefyd i chi ddangos eich bod wedi edrych ar ffyrdd o osgoi colli swyddi neu leiafu eu heffaith.
Gall Skillset gynnig pecyn cymorth i'ch cyflogeion drwy ein sesiynau cyngor ac arweiniad gyrfaoedd. Cysylltwch â Gyrfaoedd Skillset i ofyn am wybodaeth am y cynnig hwn.
Am wybodaeth bellach ar faterion yn ymwneud a cholli swyddi, mae Cyswllt Busnes yn cynnig arweiniad manwl. Mae gwerth hefyd mewn edrych ar adnoddau fel y canlynol:
- Redundancy consultation and notification - Guidance (Ffynhonnell: yr Adran Busnes, Arloesi a Diwygio Rheoleiddio)
- Redundancy (Ffynhonnell: y Gwasanaeth Cyfryngu, Cymodi a Chyflafareddu)
Gallai ymgyfarwyddo â barn yr amrywiol undebau ac urddau sy'n cynrychioli eich cyflogeion eich helpu i lunio'r cyfaddawd gorau posib i bawb.