Adolygu eich opsiynau gyrfa
Bydd angen amser arnoch cyn y medrwch edrych yn glir ar eich sefyllfa, a gwneud penderfyniad am eich dyfodol.
Ond, pan fyddwch yn barod, cymerwch yr amser i ail-asesu eich sgiliau proffesiynol, eich nodweddion unigol a'ch profiad yn y diwydiant. Mae'r rhain yn aml yn hawdd i'w trosglwyddo i swyddi a galwedigaethau eraill.
I'ch helpu i wneud penderfyniadau am beth i'w wneud nesaf, bydd angen i chi gasglu gwybodaeth ar amrywiaeth o bynciau, yn cynnwys:
- Arian personol
- Materion cyfreithiol
- Cyngor ar yrfaoedd
- Cyflogaeth neu hunangyflogaeth
- Hyfforddiant neu ail-hyfforddi
Bydd gwybod ble i ddod o hyd i wybodaeth, cyngor a chefnogaeth yn ffactor pwysig wrth i chi ailadeiladu eich gyrfa. Mae'r rhyngrwyd yn ffynhonnell ardderchog o wybodaeth, ac yn ffodus, caiff y cyfryngau creadigol eu gwasanaethu'n arbennig o dda.
Byddwch yn ymwybodol y gall rhai sefydliadau sy'n cynnig cefnogaeth fod yn gysylltiedig â chwmnïau recriwtio, ac efallai nad eich lles chi fydd y brif flaenoriaeth ganddynt.
Cymerwch amser i edrych ar ardaloedd eraill y wefan hon am wybodaeth ar yrfaoedd a thueddiadau cyflogaeth. Efallai yr hoffech siarad ag un o'n cynghorwyr gyrfaoedd - byddant yn gallu rhoi cyngor ac arweiniad diduedd a chyfrinachol i chi.
