Y cam nesaf
Mae digon i feddwl amdano wrth i chi ddechrau cynllunio'r cam nesaf yn eich gyrfa. Y pedwar maes allweddol y bydd angen i chi ganolbwyntio arnynt yw:
Sgiliau - A oes angen hyfforddiant pellach arnoch er mwyn cynyddu? A yw cyflogwyr yn edrych am gymhwyster penodol?
Profiad - A ydych yn dymuno ehangu eich profiad yn gweithio fel Rhedwr? Neu a fyddai'n well cael hyd i swydd fel hyfforddai mewn swydd benodol, e.e. Hyfforddai Camera, Hyfforddai Adran Gelf?
Cysylltiadau - A ydych yn gwneud y mwyaf o'r cyfleoedd i rwydweithio? A fyddai'n fuddiol i dderbyn swydd sy'n talu llai fyddai'n eich rhoi chi o fewn cronfa recriwtio cwmni, e.e. gweithio fel Cynorthwyydd Gwerthu Manwerthu Ffotograffiaeth er mwyn i chi allu hyfforddi fel Gweithredwr?
Cydnabyddiaeth - A ydych yn cael cydnabyddiaeth am yr hyn yr ydych yn ei wneud? A ydych yn adeiladu portffolio personol o waith sy'n dangos eich talent a'ch symbyliad?
Dylech hefyd drio gofyn i rai o'r bobl yr ydych wedi gweithio gyda hwy sut wnaethon nhw gyrraedd lle maen nhw heddiw, a beth maen nhw'n ei feddwl y dylech chi wneud nesaf.
Cael eich gweld
Edrychwch ar wefannau prif sefydliadau'r diwydiant am wybodaeth ar swyddi i hyfforddeion yn ogystal â chyfleoedd rhwydweithio. Ewch i gymaint o ddigwyddiadau'r diwydiant ag y gallwch a gwnewch y mwyaf o'ch cyfleoedd rhwydweithio. Mae rhai o'r digwyddiadau mwyaf yn cynnwys sioe flynyddol Broadcast LIVE, Gwyl Animeiddio Bradford a digwyddiadau PACT, RTS, Cyngor Ffilm y DU neu ddigwyddiadau IVCA, pan maent yn agored i'r rhai nad ydynt yn aelodau. A chofiwch gadw cyflenwad o gardiau busnes a CVs gyda chi.
Yn y cyfamser, gweithiwch ble bynnag y gallwch yn eich dewis ddiwydiant. A chofiwch hefyd mai eich cyfrifoldeb chi yw bod yn rhagweithiol a chyrraedd y bobl sy'n cyfrif.
