Beth mae Rhedwyr yn ei ddweud
Fel Rhedwr, mae'r math o waith y gellid gofyn i chi ei wneud yn eang, ac yn dibynnu ar y cwmni a'r sector cyflogaeth.
Gofynnom i Redwyr roi amlinelliad cryno i ni o'u dyletswyddau arferol bob dydd. Mae'r atebion a roddwyd ganddynt wedi'u grwpio isod ac yn cynrychioli'r math o waith y gellid disgwyl i chi ei gyflawni:
Dyletswyddau swyddfa
- Gweinyddiaeth - llungopïo, ffeilio, ateb ymholiadau ffôn, cadw cofnodion yn ystod sesiynau briffio boreol, gwaith cronfa ddata
- Dyletswyddau ariannol - trin arian mân, codi archebion prynu ac anfonebu
- Dosbarthu amserlenni a memos i'r holl gast a chriw
- Casglu a chymryd eitemau i wahanol swyddfeydd/cwmnïau
Dyletswyddau cyffredinol
- Trefnu cinio a diodydd i'r artistiaid a'r criw
- Negeseuon, bod wrth law i helpu
- Prynu - prynu DVDs a CDs ar gyfer ymchwil, siopa ar gyfer/dychwelyd eitemau ar gyfer y sioe, prynu propiau, chwilio am, neu wneud propiau/gwisgoedd
Dyletswyddau cynhyrchu
- Cyffredinol
- Cyd-gasglu a dosbarthu sgriptiau
- Cael artistiaid a gwesteion drwy golur, wardrob ac i'r set
- Gwneud cardiau ciwio i gyflwynwyr ar gyfer sioe'r dydd
- Gwaith technegol
- Dadlwytho cyfarpar, gweithio ochr yn ochr â'r Cyfarwyddwr i osod yr holl gyfarpar yn barod i'r gweithredydd saethu; cynorthwyo'r 3ydd Cyfarwyddwr Cynorthwyol a'r Cyfarwyddwr Cynorthwyol 1af.
- Helpu gyda rigio a dad-rigio offer camera
- Gwneud vox-pops a chynorthwyo'r dyn camera gyda siotiau
- Ffilmio a DV
- Dybio
- Bwrw ceblau
- Cynorthwyo gydag ôl-gynhyrchu yn cynnwys gweithio yn yr adran VT a digidoli
- Lletygarwch
- Prynu, paratoi a gweini lluniaeth i'r cast, criw a gwesteion
- Paratoi a glanhau'r Ystafell Werdd ac ystafell y gynulleidfa
- Ymchwil
- Dyletswyddau Ymchwilydd Iau - ymchwilio rhaglenni dogfen newydd (ymchwil llyfrgell, cynadleddau i'r wasg, ffôn a'r rhyngrwyd) ac ymchwilio ffeithiau a gwybodaeth benodol ar gyfer rhaglenni dogfen sydd eisoes yn cael eu cynhyrchu.
