Cyngor ar rwydweithio gan Redwyr
'Rhwydweithiwch fel lladd nadroedd' meddai pennaeth cwmni rhaglenni dogfen arobryn. Nid yw rhwydweithio'n dod yn naturiol i bawb - mae'n sgil sydd angen ei ddysgu. Gall pob un ohonom fod yn well am ddechrau (a chofio) y ‘sgyrsiau â phwrpas' hyn.
Mae rhwydweithio tra'n dal i weithio fel Rhedwr yn fuddiol am sawl reswm. Mae'n cynyddu eich gwybodaeth ac yn codi eich proffil gyda phobl allweddol a allai eich helpu. Gallech gael gwybod am swydd wag a gallech ddatblygu un neu fwy o fentoriaid yn y diwydiant.
Dyma ychydig o gyngor gan bobl sydd wedi gweithio fel Rhedwyr:
"Ar ôl cyfarfod anffurfiol, ysgrifennwch nodyn byr o ddiolch i'r person, a gwnewch nodyn am eich sgwrs ac unrhyw enwau a allai fod yn gysylltiadau yn y dyfodol."
"Cariwch gardiau busnes gyda'ch enw a'ch manylion cyswllt ar un ochr a'ch prif sgiliau/diddordebau ar y llall."
"Ystyriwch sefydlu gwefan - mae mwy a mwy o recriwtio yn cael ei wneud ar y we."
"Ewch i ddigwyddiadau a gwyliau mawr y diwydiant; peidiwch â gweithio'r bar yn unig, ond mynnwch wybod pa gwmnïau sy'n ehangu, pwy sy'n cyflenwi cyfarpar i gynyrchiadau ffilm a theledu newydd. Nodwch enw'r cwmni ac yn ddelfrydol enw'r Cydlynydd/Rheolwr Cynhyrchu."
"Rhowch wybodaeth am eich cynnydd fel Rhedwr i Gynhyrchwyr/Cydlynwyr Cynhyrchu bob chwe mis. Gall ‘tracio' ymddangos ychydig bach fel ‘stelcio' ond mae unrhyw beth yn bosib yn y diwydiant rhyfedd hwn."
