Mae'r diwydiant ffilm yn rhannu ei hun yn bum sector:

• Datblygu - ysgrifennu, pecynnu ac ariannu syniadau a sgriptiau ffilmiau.
• Cynhyrchu - y broses o sefydlu a saethu pob golygfa mewn ffilm.
• Ôl-gynhyrchu - lle y casglir yr holl siotiau, a'u cymysgu i greu cynnyrch gorffenedig.
• Dosbarthu - y broses o werthu'r cynnyrch hwn i gynulleidfaoedd, drwy'r sinemâu, manwerthwyr a chwmnïau rhentu.
• Arddangos - y sinemâu sy'n dangos y ffilmiau ar gyfer y cyhoedd.
  

Mae cannoedd o wahanol swyddi yn niwydiant ffilm y DU, gyda phob un yn gofyn am gyfuniad unigryw o sgiliau arbenigol. Mae mwyafrif y rolau hyn o fewn y sector cynhyrchu ffilmiau, a rhennir criwiau cynhyrchu yn sawl hierarchaeth adrannol safonol. Mae gan bob adran dasgau penodol ac amcanion dynodedig ar gamau penodol yn y broses gynhyrchu.

Y penderfyniad cyntaf sy'n wynebu unrhyw un sy'n dymuno gweithio mewn cynhyrchu ffilmiau mewn gwirionedd yw: ym mha adran yr hoffwn i weithio?