Skillset yw'r Cyngor Sgiliau Sector ar gyfer y Diwydiannau Clyweledol a Chyhoeddi. Wedi ein cyd-gyllido gan y diwydiant a'r llywodraeth, ein gwaith yw sicrhau fod gan ddiwydiannau clyweledol y DU y bobl iawn, â'r sgiliau iawn, yn y lle iawn ar yr adeg iawn er mwyn i'n diwydiannau barhau yn gystadleuol.

Rydym yn cynnal gwaith ymgynghorol gyda'r diwydiant, yn cyhoeddi ymchwil a dogfennau strategol, yn cynnal cynlluniau cyllido a gwaith prosiect, a darparu gwybodaeth am y newidiadau sy'n wynebu'r diwydiant a'r hyn y mae angen i ni ei wneud i'w goresgyn. Rydym hefyd yn darparu cyngor diduedd ar yrfaoedd yn y cyfryngau i ddarpar newydd-ddyfodiaid a gweithwyr proffesiynol profiadol y diwydiant, ar-lein, wyneb yn wyneb a dros y ffôn. P'un a ydych yn weithiwr llawrydd yn edrych am wybodaeth ar hyfforddiant, yn fyfyriwr yn chwilio am gyngor ar yrfaoedd neu'n bartner asiantaeth gyhoeddus, rydym yn anelu at roi mynediad hawdd i chi i'r wybodaeth y gallai fod ei hangen arnoch.

Mae gwybodaeth yn ardal hon y wefan am ein rôl, gwybodaeth gorfforaethol, fel adroddiadau blynyddol, newyddion defnyddiol ac ardal ddigwyddiadau. Mae manylion cyswllt yno hefyd ar gyfer staff Skillset, manylion ein Bwrdd a'n Noddwyr a gwybodaeth am ein strwythur a sut ydym yn cyflwyno ein rôl. Os oes unrhyw beth am Skillset yr ydych yn teimlo sydd ar goll ac yr hoffech ei weld yn cael ei gynnwys yn yr ardal hon, rhowch wybod i ni drwy ein e-bostio ar info@skillset.org.

Skillset, Focus Point, 21 Caledonian Road, London, N1 9GB. Tel: 020 7713 9800