Safonau
Un o swyddogaethau allweddol Skillset yw datblygu a chynnal safonau galwedigaethol cenedlaethol ar gyfer pob galwedigaeth ar bob lefel drwy’r diwydiannau clyweledol.
Beth yw Safonau Galwedigaethol Cenedlaethol?
Mae safonau galwedigaethol cenedlaethol yn:
• adlewyrchu arferion gorau ym maes cyflogaeth, wedi’u meincnodi yn erbyn safonau Ewropeaidd a rhyngwladol lle bo’n briodol;
• nodi’r prif swyddi a chyfrifoldebau mewn maes gwaith;
• disgrifio canlyniadau perfformiad cymwys, yn cynnwys y wybodaeth a’r ddealltwriaeth hanfodol angenrheidiol;
• ymddangos ar ffurf unedau;
• cynnwys sgiliau datrys problemau, gofynion iechyd a diogelwch, y gallu i weithio gydag eraill, y gallu i ddefnyddio gwybodaeth a dealltwriaeth, a sgiliau eraill a fydd yn gwella hyblygrwydd mewn cyflogaeth a chyfleoedd ar gyfer cynnydd;
• sicrhau eu bod yn hyblyg ac yn gallu addasu i batrymau gwaith newidiol;
• cael eu hysgrifennu mewn iaith blaen.
Y Cynghorau Sgiliau Sector sy’n datblygu’r safonau ac mae’r broses ddatblygu yn cynnwys edrych ar beth sydd i’w gael eisoes, cynnal cyfarfodydd grwp ffocws gydag ymarferwyr, gweithdai, cyfweliadau, ymgynghoriad sector-eang a chymeradwyaeth gan grwpiau llywio. Mae’n rhaid i’r safonau terfynol gael eu cymeradwyo gan y Bwrdd Safonau Galwedigaethol Cenedlaethol.
Mae’n rhaid cadw safonau yn gyfredol ac mae Skillset yn croesawu adborth ar sut mae safonau yn gweithio i’r diwydiant fel bod modd cyflwyno newidiadau bob yn dipyn, er mwyn cydymffurfio â newidiadau mewn deddfwriaeth a thechnoleg er enghraifft.
Mae Safonau Skillset ar gael am ddim ar y wefan hon.
I gael rhagor o wybodaeth am Safonau Galwedigaethol Cenedlaethol Skillset ffoniwch standards@skillset.org ar 020 7713 9800.